Skip to Main Content

Kansè Pityitè

Patient Login

Kansè Pityitè

Doctors Doktè Locations Lokal Esè klinik Classes & Events Klas & Evènman

Randevou

Rele oswa klike sou pou yon vizit an pèsòn
oswa vityèl.

Rele nou nan
1-844-324-HOPE (4673)

Oswa

Pityitè se yon ti glann nan sèvo a ki dèyè do nen an. Li fabrike òmòn ki afekte anpil glann ak fonksyon nan kò w.

Yon timè pityitè se yon kwasans anòmal nan glann pityitè a. Majorite timè pityitè pa gen kansè epi yo pa pwopaje. Yo ka lakoz glann pityitè a fabrike twò piti ou twòp òmòn.

Timè pityitè ka lakoz kò w fè twòp òmòn, ki ka lakoz sentòm ki gen rapò ak chak òmòn. Timè pityitè souvan peze sou nèf optik nan je w ki tou pre a, ki ka lakoz pwoblèm vizyon.

Kalite Timè Pityitè:

Adenòm non-foksyonèl (adenòm selil nil)
Timè sa yo koumanse nan selil sèvo a yo rele astrosit yo. Astrosit yo ede kenbe selil nève yo an sante. Astrositom se fòm kansè sèvo danfans ki pi popilè. Tip timè astrositè yo gen ladan yo gliyom twon selebral, timè astrositè pineyal, astrositom pilositik, astrositòm difize ak astrositòm anaplastik.

Timè ki pwodui Pwolaktin ou pwolaktimoma (Prolactin-producing Tumors)
Sa yo se timè ki pa danje yo (ki pa gen kansè) ki fabrike twòp prolaktin – yon òmòn ki ka fè peryòd manstriyèl yon fanm iregilye anpil. Twòp prolaktin tou ka kanpe sik manstriyèl ak rèk yon fanm. Timè sa yo ka lakoz kò fanm pwodui lèt tete, menm lè yo pa ansent, ou nouris. Gason ka fè eksperyans pwoblèm erektil akoz twòp prolaktin ou ka pèdi enterè nan fè sèks. Tete gwosi, kantite spèm ba, mwens plim sou kò, ak pwoblèm tèt fè mal ak vizyon evantyèlman ka rive.

Timè ki pwodui ACTH (ACTH-producing Tumors)
ACTH (òmon adrenokòtikotropik) se yon òmòn ki estimile glann adrenal nou yo pou l fabrike esteroyid ki rele glikokòtioyid. Glikokòtikoyid afekte metabolism nou. Glikokòtikoyid ka redui anflamasyon nan kò nou. Si kò a gen twòp ACTH, li ka lakoz maladi Cushing. Maladi sa ka lakoz akimilasyon grès nan kou a, vizaj, vant, pwatrin ak do. Pye ak pponyèt ka vin pi mens. Tansyon ou mak kò mov ka parèt, epi zo ka febli.

Timè ki Pwodui òmon Kwasant (Growth hormone-producing Tumors)
Twòp òmòn kwasant ka estimile plizyè zo nan kò timoun lakoz yo grandi depase pwopòsyon. Jigantism se non sendròm sa. Jigantism ka lakoz wotè ogmante (depase 7 pye), grandi twò vit, doulè atikilasyon, ak swe anpil. Twòp òmòn kwasant nan granmoun lakoz yon kondisyon kwasans yo rele akwomegali.

Poukisa pou w chwazi sant Sylvester Comprehensive Cancer Center?

Kimoterapi entratekal (Intrathecal chemotherapy) pou kansè sèvo ak newolojik ki apwopriye.Pou kèk timè, metòd sa ka ofri pi gran presizyon ak sekirite pase kimoterapi tradisyonèl. Kimoterapi entradiral founi medikaman terapetik dirèkteman anndan timè a atravè plakèt k ap fonn (dissolving wafer).

Terapi Sible disponib anplis trètman tradisyonèl yo. Ekspè nou yo ofri plis opsyon pase lòt yo pou elimine kansè w la ak kanpe l pou l pa retounen.

Lidè nan rechèch terapi jenetik. Se yon ekip ki gen ekspè nan pi nouvo trètman molikilè ak jenetik mondyal k ap pran swen w

Ekip swen pliridisiplinè ki gen ekspètiz yo rekonèt nasyonalman. Moun ki konpoze ekip swen w lan se ekspè nan kalite kansè w la ekzakteman ak nan tout aspè nan li. Tout doktè w yo, enfimyè ak plis moun kolabora pou sove lavi.

Kesyon? Nou la pou ede w.

Espesyal randevou nou yo prè pou ede w jwenn sa w bezwen an. Kontak nou jodiya.

Rele 305-243-5302 Pran yon Randevou

Trètman

  • Siveyans aktif

    Si w pa gen okenn sentòm akoz timè a epi òmòn ou yo ap fonksyone byen, nou ka pa trete imedyatman. Siveyans aktif se non metòd sa. Yo rele pafwa atant vijilant (watchful waiting). N ap siveye sante w nan ekzamen regilye. N ap chache nenpòt siy kwasans timè ou pwogresyon. Trètman ap koumanse si timè a koumanse lakoz sentòm.

  • Operasyon

    Operasyon se fòm trètman ki pi popilè pou timè glann pityitè. Anviwon 95 pousan operasyon pou retire timè glann pityitè fèt atravè wout transfenoyidal, atravè pasaj nazal ak kavite sinis la. Yo rele operasyon sa yon krànyotomi. Pwosedi krànyotomi ka fèt lè w itilize yon mikwoskòp ou yon andoskòp.

  • Terapi Radyasyon

    Terapi radyasyon se itilizasyon reyon lazè wo frekans ou lòt patikil pou detui selil timè yo.

    • Terapi radyasyon Reyon Ekstèn: Radyasyon yon machin ki deyò kò a ap founi se terapi radyasyon reyon ekstèn. Plan trètman w lan ap nan yon kalandriye rejim. Li souvan gen yon kantite trètman espesifik yo bay sou yon peryòd tan fiks. Amelyorasyon nan teknoloji pèmèt nou fokis radyasyon an dirèkteman sou glann pityitè a. Ekzaktitid sa asire gen mwens domaj ki fèt sou tisi nan alantou yo.

    • Terapi Radyasyon Kò Estereyotaktik (Stereotactic Body Radiation Therapy, SBRT):  Terapi ki fokis yon sèl grenn dòz radyasyon dirèteman nan timè sèvo a. Radyochiriji estereyotaktik ou radyochiriji se lòt non sa genyen, men tenikman se pa yon pwosedi chirijikal.

  • Terapi Ranplasman Òmòn (Hormone Replacement Therapy, HRT)

    HRT souvan nesesè pou pasyan ki gen timè pityitè lè glann nan pa fabrike ase nan yon òmòn akoz maladi a. Sa ka gen ladan l ranplasman òmòn tiroyid, òmòn sirenal, òmòn kwasans, testosteròn lakay gason ak estrojèn lakay fanm.

  • Kimoterapi

    Nou ka trete timè pityitè ki pwodui twòp òmòn avèk kimoterapi. Bromokriptin (Parlodel) ak kabegolin (Dostinex) se medikaman ki trete timè ki sekrete prolaktin. Oktreyotid (Sandostanin) ak pègvisomant (Somavert) trete timè ki fabrike òmòn kwasans. Oktreyotid ka trete timè pityitè ki sekrete òmòn ki estimile tiroyid.

  • Swen Sipòtif ak Palyatif

    Sèvis swen sipòtif ak jesyon doulè disponib pou ede soulaje sentòm ak redui efè segondè. Trètman palyatif ka gen ladan l medikaman, chanjman nitrisyonèl, teknik relaksasyon, sipò emosyonèl ak lòt terapi.

Tès


Pandan etap dyagnostik la, n ap dekouvri kote timè a ye, gwosè l, ak si l pa danje, si l danje, yon timè primè ou segondè.

  • Timè ki pa danje yo yo pa gen kansè men yo ka grandi ak peze sou zòn ki tou pre nan sèvo ou kolòn vètebral la. Yo ka gravman deteryore fonksyon sèvo a ak kolòn vètebral la. Yo raman pwopaje nan lòt tisi, men yo ka repwodui peryodikman (retounen ankò).
  • Timè Primè se sa yo ki koumanse nan sèvo a ou kolòn vètebral la. Timè primè yo ka pwopanaje nan lòt pati nan sèvo a ou kolòn vètebral la. Yo raman pwopaje nan lòt pati nan kò a.
  • Timè Segondè, ou metastatic koumanse yon lòt kote nan kò a, epi pwopaje nan sèvo a ou kolòn vètebral la. Timè segondè nan sèvo a pi popilè lontan pase timè sèvo primè.

  • Ekzaman Nerolojik

    Kesyon ak tès pou verifye sèvo, kolòn vètebral ak fonksyon nève rele ekzamen nerolojik, nero ekzamen, ou ekzamen nerolojik. Yo mezire estati mantal ou, kowòdinasyon, abilite pou mache, reflèks ak misk.

  • Ekzamen Chan Vizyèl

    Operasyon se fòm trètman ki pi popilè pou timè glann pityitè. Anviwon 95 pousan operasyon pou retire timè glann pityitè fèt atravè wout transfenoyidal, atravè pasaj nazal ak kavite sinis la. Yo rele operasyon sa yon krànyotomi. Pwosedi krànyotomi ka fèt lè w itilize yon mikwoskòp ou yon andoskòp.

  • Tès Endikatè Timè

    Yo revize echantiyon tisi, san, ak pipi pou chache sibstans ki gen rapò ak divès kalite kansè. Yo rele sa yo endikatè timè.

  • Tès Jenetik

    Yo gade yon echantiyon san ou tisi nan yon laboratwa. Ekspè nou yo chache nenpòt chanjman nan kwomozom yo ki konekte avèk kè timè sèvo. Nou ka dyagnostike tou yon sendrom ou eritye.

  • CT-Scan ou Cat Scan (Computed Tomography)

    Pwosedi sa fè seri foto detaye kote anndan kò w sou plizyè ang. Yo ka enjekte yon koloran nan yon venn ou ba w li kòm yon likid. Koloran an fè anòmalite tisi ak ògàn yo parèt klèman. Yo rele tès sa tou tomografi kalkile (computed tomography), tomografi aksyal enfòmatize ou tomografi enfòmatize (computerized).

  • MRI

    Pwosedi sa itilize yon leman, radyo-ond ak yon òdinatè reye yon seri foto detaye sèvo ak kolòn vètebral ou. Yo enjekte yon sibstans yo rele gadolinyòm nan venn ou. Gadolinyòm yo kolekte alantou selil yo, konsa yo parèt pi klere nan foto a. Yo rele pwosedi sa tou imaj rezonans mayetik nikleyè (nuclear magnetic resonance imaging, NMRI). Yo souvan itilize MRI pou dyagnostike timè nan kolòn vètebral la. Pafwa yo fè yon pwosedi ki rele espektroskopi rezonans (esonance spectroscopy, MRS) pandan seyans eskanè MRI la. Yo itilize yon MRS dyanostike timè, swivan konpozisyon chimik li.

  • Tomografi Kalkile Emisyon yon Sèl Foton (SPECT Scan, Single Photon Emission Computed Tomography)

    Nan tès dyagnostik sa, yon kamera espesyal ou òdinatè fè yon foto 3-D sèvo a. Yo enjekte ak yon egwi ou yo bay atravè nen ak fè w enspire yon kantite sibstans radyoaktif ki sekiritè. Kamera a fè laviwonn arebò tèt yo. Foto yo montre nou ki kote san ak fliyid kò yo koule nòmalman. Selil kansè ka lakoz sa, epi nou idantifye lokasyon sa yo.

  • PET Scan (Positron Emission Tomography)

    W ap kouche nan machin PET skanè a, pandan skanè PETa ap vire alantou kò w. Yo enjekte yon ti kantite sik (glikoz) radyoaktif nan yon venn. PET skanè a fè foto ki kote selil nan sèvo w yo ap itilize glikoz la kòm enèji plis pase nan lòt pati. Sa yo pwobabman se selil kansè paske yo pi aktif pase selil ki an sante yo.

  • Biyopsi

    Biyopsi ede detèmine si yon timè kansè pityitè gen kansè. Yo pèfòme biyopsi avèk asistans imaj ki soti nan iltrason, CT ou MRI. Yon patolojis verifye echantiyon biyopsi a pou verifye kalite timè a ak mwayèn (ak ki rapidite timè a ka grandi ou pwopaje).

    • Biyopsi Estereyotaktik: Tès sa gade timè ki fon nan sèvo a. Nou itilize yon òdinatè ak aparèy eskanè 3-D ki 3-dimansyonèl. Imaj la pèmèt nou gide egwi nou itilize a pou retire tisi a. Yo fè yon vyet ti ensizyon nan po tèt la ki pèmèt chirijyen an fouye egwi biyopsi a pou retire selil ak tisi. Yon patolojis ekzamine selil ak tisi yo nan yon mikwoskòp.

Asirans nou Asepte

Nòt: Plan sante ki gen kontra avèk UHealth aktyèlman yo nan yon lis pi ba a. Sepandan, tanpri konsilte konpayi asirans ou an pou w verifye si UHealth fè pati rezo konpayi asirans ou an.

Montre Asirans nou Asepte