Timè ki pa gen kansè ak anflamasyon pafwa fòme nan tisi ki arebò je yo. Pati ki grandi sa yo rele yo timè ki pa gen kansè (benign) ou maladi ki pa gen kansè. Sepandan, yo ka lakoz malèz grav ak anpil lòt pwoblèm sante, tankou pouse je a pi devan, bonbe ou fè l sòti. Moun ki gen kondisyon je ki pa danjere ak ki gen kansè resevwa meyè swen ki gen nan peyi a nan men ekspè nan Sylvester ak enstisti Bascom Palmer Eye Institute nan Sistèm Sante Inivèsite Miami an. U.S. News & World Report klase enstiti Bascom Palmer Eye Institute meyè lopital oftalmoloji nan peyi a.

Men kèk maladi je ki pa gen kansè (benign):

• Sedotimè Òbital: Se yon anflamasyon ki souvan bay anpil doulè tisi ki dèyè je a, ki fòme nan espas twou kote je a chita a (òbit la). Kondisyon sa pa pwopaje nan lòt tisi ou lòt kote nan kò a, men anflamasyon an ka fè enpak sou lòt tisi arebò je a. Anflamasyon an ka fè l difisil pou fè mouvman ak je w oubyen ka lakoz je a soti sou deyò. Sedotimè òbital ka afekte youn oubyen tou de (2) zye yo.
  
  
• Ipèplazi Lenfoyid ki pa gen kansè (Benign Lymphoid Hyperplasia, LH): Boul ki ka fòme nan je a, yo ka asosye l avèk lenfòm non-Hodgkin.
  
  
• Maladi Je Tiroyid: Yon kondisyon ki lakoz sistèm imin nan atake glann tiroyid la. Glann lan reyaji fason li sekrete yon eksè òmòn tiroyid, ki afekte misk je a ak tisi konektif nan òbit je a. Sentom yo ka gen pami yo yon gwat (tiroyid ki gwosi nan kou a) ak je ki sòti.

Poukisa pou w Chwazi Nou?

Sylvester se yon sant kansè deziyen NCI. National Cancer Institute te rekonèt Sylvester pou travay eksepsyonèl li fè rechèch nan laboratwa li yo, trete pasyan yo nan klinik li yo ak lopital li yo, epi lonje men nan kominote ki pa gen desèvi medikal ak estrateji prevansyon inovatè.

Ekip swen pliridisiplinè. Ou gen yon ekip swen pou je konplè ansanm avèk ou. Ekip ou a gen ladan l tou ekspè nan oftalmoloji, dèmatoloji, onkoloji okilè, onkoloji radyasyon ak patoloji. Yo travay ansanm pou yo ka ba w swen pèsonèl ak meyè rezilta posib ou ka jwen.

Plis eksperyans pase lòt sant yo. Nou konsilte plis pasyan ki gen maladi ke ki popilè ak ki ra pase tout lòt kote, epi sa parèt klè nan abilite nou poou n dyagnostike ak trete kondisyon ki grav.

Youn nan sèlman sis Sant Ekselans Kansè deziyen nan Florid. Nou trete kansè, sèlman kansè, ak ofri w meyè rezilta posib. Ou dwe konfidan konnen ou nan meyè plas ki ekziste pou trete kansè w la nan Sid Florid.

U.S. News & World Report klase enstiti Bascom Palmer Eye Institute #1. Enstiti Bascom Palmer Eye Institute se meyè etablisman nan peyi a pou trètman maladi ak twoub nan je, daprè U.S. News & World Report.

Espesyalis operasyon rekonstriksyon. Si maladi je w la grav, epi ekzije kèk operasyon, nou ofri w opsyon operasyon rekonstriktif ak operasyon plastik. Ekip Sylvester-Bascom Palmer nou an genyen meyè espesyalis nan domèn sa pou ka fasyal ak je. Nou ka retabli yon aparans ki rapwoche ak natirèl la nan meyè fason an. Objektif nou se p ou retabli yon aparans natirèl ak pèmèt ou retounen nan aktivite chak jou w pi vit posib.