-
Kimoterapi
Kimoterapi se medikaman pou konbat kansè yo ba w nan venn ou nan yon konprime. Yo ka rekòmande kimoterapi tou anvan operasyon, yo rele sa kimoterapi neyoadjivan, pou ede redui gwosè timè a ak amelyore rezilta operasyon an. Souvan, yo itilize plis pase yon medikaman an menm tan oubyen youn apre lòt pou detui diferan kalite selil kansè nan menm kansè tete a.
Lokal: Si w bezwen kimoterapi nan venn (enfizyon), ou ka fè l nan Comprehensive Treatment Unit (CTU) a nan lokal prensipal Sylvester a nan Miami, ki se yon inite 12.000 pye-kare ki gen ladan l 33 fotèy enklinab ak 11 sal prive. Si w prefere, ou ka pran trètman enfizyon w lan nan lokal Kendall, Plantation, Hollywood, Coral Springs, Coral Gables, ou Deerfield Beach.
-
Esè Kliniik
Kòm yon pasyan kansè kolorektal nan Sylvester, ou gen aksè ak plis nouvo trètman ak ki pi avanse pase nenpòt lòt kote a nan Sid Florid la. Doktè w la ap fè w konnen si gen yon esè klinik ki bon pou ou.
Kansè tete trip negatif te difisil pou trete nan pase, men gen yon nouvo esè klinik nan Sylvester k ap chanje sa nan jan l sible vitamin D ak reseptè androjèn yo. Lè yo itilize l ansanm avèk kimoterapi, trètman sa demontre bon pwomès.
-
Timorektomi
Nan pwosedi sa yo retire yon timè (boul) ak yon ti kantite tisi nòmal nan alantou l. Se chirijyen kansè Sylvester yo ki premye koumanse avèk teknik timorektomi onkoplastik la ak kounyeya y ap anseye lòt chirijyen atravè peyi a. Pandan yon timorektomi, chirijyen w lan retire timè a ak yon ti pati nan alantou tisi a. Doktè w la eskilte rès tisi tete ki rete pou ka bay tete w yon aparans natirèl, li fè ti touch nan lòt tete a pou l ka fè tou de sanble ak youn lòt.
-
Timorektomi avèk Rediksyon Tete
Pou fanm ki gen gwo tete, onkolojis chirijikal la ak chirijyen plastik la ka fè yon operasyon rediksyon tete, koumanse ak tete ki gen kansè a pou yo ka asire yo rete tisi ki gen boul la ak yon maj ki pwòp — ou sekiritè — nan anlantou boul la. Chirijyen plastik la redui lòt tete a pou l ka sanble ak lòt la.
-
Mastektomi Pasyal
Operasyon sa, yo konn rele l tou mastektomi segmantal, ladna l yo retire yon pi gwo pati nan tete a plis pase yo retire nan timorektomi.
-
Mastektomi Po ak Pou Evite Pwent Tete
Lè sa apwopriye ak posib, nan pwosedi sa yo konsève po ak pwent tete a pou minimize sikatris ak amelyore abilite chirijyen an pou l rekonstwi tete w.
-
Mastektomi
Yon mastektomi retire tout tete a kansè a afekte a nèt. Chirijyen an ka retire youn oubyen plis gangliyon lenfatik anba bra w pandan operasyon an, oubyen kòm yon pwosedi nan pita, pou wè si kansè pwopaje.
Si w fè yon mastektomi ou yon timorektomi, ou ka chwazi pou w fè yon operasyon rediksyon tete nan menm tan an oubyen w ka deside pou w fè l aprè. Chirijyen w lan ka pèfòme yon timorektomi onkoplastik oubyen chirijyen kansè tete w la ak yon chirijyen plastik ka travay ansanm pou yo fè yon operasyon rekonstriktif. Gen nouvo teknik ki rann li posib pou kreye yon tete ki sanble nan fòm ak aparans ak tete natirèl ou.
-
Biyopsi Gangliyon Lenfatik Santinèl (Sentinel Lymph Node Biopsy)
Doktè itilize ti operasyon sa pou detèmine si kansè a pwopaje depase timè primè a pou l rive touche sistèm lenfatik ou. Yon gangliyon lenfatik santinèl se premye kote selil kansè yo ka ale lè yo koumanse pwopaje. Pandan biyopsi a, doktè w la enjekte yon koloran espesyal (trasè) pou lokalize gnagliyon yo ak retire yo pou ka chache selil kansè. Si yo pa gen kansè, sa vle di li pa sanble kansè pwopaje epi li pa nesesè pou retire plis gangliyon lenfatik.
Sylvester ofri yon nouvo trètman ki anpeche retire plis gangliyon lenfatik, menm si yo sispèk santinèl yo. Anvan operasyon, yon seyans eskanè iltrason anba bra a ka endike ki gangliyon lenfatik ki enplike (y ap parèt pi gwo ou anfle). Lè yo itilize kimoterapi anvan operasyon (kimoterapi neyoadjivan), li ka konvèti yon gangliyon lenfatik pozitif an negatif lè yo biyopsize l, sa vle di yo pa bezwen retire plis gangliyon lenfatik.
-
Transfè Gangliyon Lenfatik Venn ak Grèf Lenfatik
Yo te devlope biyopsi gangliyon lenfatik santinèl pou redui bezwen pou retire pi fò gangliyon lenfatik anba bra a, evite pwoblèm enfim lenfodèm nan, ki lakoz anflamasyon bra ki bay anpil doulè akoz yon akimilasyon fliyid ki pa ka filtre nan sistèm lenfatik la. Sepandan, menm si yo bezwen retire plis gangliyon lenfatik, chirijyen nan Sylvester yo devlope yon teknik katografi (mapping) bra ranvèse avèk yon koloran espesyal pou mete anfaz sou drenaj nan bra a, pou chanèl lenfatik yo ka re-enplimante pou prezève drenaj lenfatik avè anpeche lenfodèm.
-
Terapi Radyasyon
Onkolojis radyasyon Sylvester yo itilize rteknoloji ki pi avanse a pou livre radyasyon deyò ak anndan timè tete yo.
Terapi radyasyon tete pasyal reyone sèlman nan zòn timè a pandan yon ti peryòd tan enpòtan sou yon dòz ki pi elve. Pou ti timè ki pa afekte gangliyon lenfatik yo, sa pèmèt pasyan ki kalifye resevwa yon trètman akselere — twa semèn, kontrèman ak terapi radyasyon tout tete a ki planifye pou sis semèn.
-
Radyasyon Reyon Ekstèn
Majorite terapi radyasyon pou tete se eksteryèman yo bay yo. Gen kèk teknik avanse ki pèmèt pou radyasyon an dirije nan timè w la avèk yon pi gran presizyon, avèk yon demi jiska yon uityèm tan ansyen trètman an epi mwens domaj nan tisi ki an sante ki nan alantou a.
-
Terapi Radyasyon Entèn
Yo rele l kiriterapi (brachytherapy), kalite radyasyon sa yo itilize pou ti timè primè, avèk pwòp ak ki an sante ki antoure yo epi san evidans kansè nan gangliyon lenfatik yo. Kiriterapi enplike enplantasyon yon aplikatè radyasyon pandan yon ti tan kote timè a ye a ak livre dòz radyasyon lokalman, sou kèk entèval tan. Li pèmèt yon onkolojis radyasyon kenbe dòz radyasyon a lwen ògan sansib yo.