Selebrasyon 50 ane swen kont kansè ak inovasyon

Sylvester Comprehensive Cancer Center, yon pati nan Sistèm Sante University of Miami ak Lekòl Medsin Miller University of Miami an, se sant akademik pou konbat kansè nan Sid Eta Florida a. Li abrite yon ekip ekspè ki gen plis pase 3,160+ doktè, chèchè ak anplwaye k ap travay ansanm pou dekouvri, devlope ak bay swen nan nivo entènasyonal pou kansè espesifik ou a.

Sylvester ap fè efò pou redwi fado moun ap pote sa a ki se kansè, se poutèt sa ekspè li yo ofri yon pakèt enfòmasyon ak pwogram pou ede kominote li a fè chwa ypn bon fason pou viv ki ap diminye risk yo epi ki ankouraje byennèt.

Nan Sid Florida Sylvester se sèl:

• Sant pou Konbat Kansè NCI deziyen
• Sant akademik konplè pou konbat kansè
• Sant Wòdpòte pou konbat kansè, US News ak World Report rekonèt. Epitou yo konsidere li trè pèfòman nan ka lesemi, lenfòm ak myelòm, ansanm ak nan operasyon pou kansè nan kolon, jinekolojik, poumon ak pwostat.
• Pwogram esè klinik faz 1

Anplis, li se youn (1) nan sèlman senk (5) Sant Ekselans nan Zafè Kansè nan eta Florida a.

Kounye a, Sylvester ap fè plis pase 430 esè klinik ki baze sou kansè.

Distenksyon lò nan zafè swen kont kansè

Nan lane 2019, Sylvester te resevwa deziyasyon Enstiti Nasyonal Kansè (National Cancer Institute, NCI) tout moun ap kouri dèyè l la, li te vin tounen sèl sant pou konbat kansè nan Sid Florida ak youn (1) nan 72 ki te jwenn distenksyon sa a nan tout peyi a, sa mete nou nan tèt 4% tout sant kansè. Nan lane 2024, NCI te reyafime deziyasyon Sylvester. NCI rekonèt sant kansè ki reponn ak nòm solid nan sa ki gen pou wè ak rechèch transdisiplinè dènye modèl ki konsantre sou devlope nouvo ak pi bon apwòch pou prevansyon, dyagnostik ak tretman kansè. Deziyasyon NCI elaji kapasite Sylvester pou pran swen pasyan yo ak kominote a anjeneral, soti nan plis aksè ak nouvo terapi epi esè klinik, rive nan inisyativ prevansyon kansè elaji, pwogram pou moun ki chape anba kansè, ak plis ankò. Jwenn plis enfòmasyon sou deziyasyon NCI a.

Ekip ki trè espesyalize

Ekspè Sylvester yo renome nan lemonnantye pou pwogrè nan rechèch ak swen kansè. Yo travay nan ekip entegre, kolaboratif pou ofri w yon seri opsyon tretman ki bay pi bon rezilta ak pi gwo pousantaj moun ki chape anba kansè. Souvan yo pa gen espesyalizasyon nan yon kalite kansè espesifik, ekspè ki nan sant kansè a konsantre sèlman sou oumenm ak tretman inik ou a.

Terapi ki pi avanse yo

Kòm sèl sant pou konbat kansè NCI deziyen nan Sid Eta Florida a, Sylvester ofri aksè ak esè klinik ki pi avanse ak entèvansyon dènye kri. Anplis solisyon inovatè ekspè nan laboratwa Sylvester yo kreye, sant la ka ofri opsyon yo bay atravè Pwogram Evalyasyon Terapi Kansè NCI a ak pwogram Rezo Nasyonal Esè Klinik la. Sa vle di oumenm ak moun ki pwòch ou yo kounye a gen pi gwo aksè ak teknik terapi ki pi resan epi ki pi avanse kont kansè ki disponib, isit la, lakay ou.

Plan tretman inik

Menm jan chak pasyan diferan, se konsa chak kansè diferan tou. Ekip ki trè devwe Sylvester genyen yo konsantre sèlman sou jwenn pi bon rezilta posib pandan y ap elabore plan tretman ki adapte ki konsidere pwofil jenetik ou ak karakteristik endividyèl kansè ou a. Sa gen ladann sèvi ak teknoloji dènye kri tankou sistèm terapi gide atravè MRI, aparèy iltrason wobotik fokalize ki gen gwo entansite, radyochiriji Gamma Knife, ak plis ankò.

Pwogram Esè Klinik Faz 1

Sylvester posede sèl grenn pwogram esè klinik faz 1 nan Sid Eta Florida a — premye etap nan evalye kijan pasyan yo reponn ak nouvo tretman eksperimantal yo. Depi 2012, Sylvester te triple kantite tretman entèvansyon li ofri yo, epi kounye a ofri terapi yo pa ka jwenn nan okenn lòt sant k ap konbat kansè nan lemonn.

Objektif esè klinik faz 1 an se detèmine sekirite ak efikasite nouvo tretman pou pasyan ki gen kansè. Yo ka ede devlope plis opsyon tretman epi, sa ki pi enpòtan an, bay pasyan ki kansè yo espwa.

Jwenn plis enfòmasyon sou pwogram esè klinik faz 1 Sylvester a.

Nou ap akonpanye w nan chak etap nan pwosesis la

Sylvester konsevwa chak aspè nan pakou pasyan an pandan l ap panse ak ou epi fanmi ou — soti nan yon anviwònman konfòtab ak ekipman pratik pou kore sèvis tankou terapi atravè masaj, konsèy nitrisyonèl, ak terapi endividyèl ak familyal.

Yon fwa ou fin fè tretman an, Sylvester ofri Pwogram pou Moun ki Chape Anba Kansè ki gen ladan gwoup sipò, seminè, atelye ak lòt resous pou swen alontèm ou. Yo fè atravè rechèch, pwogram yo tou abòde efè sosyal, ekonomik ak fizik kansè a genyen lakay pasyan yo apre tretman an.

Jwenn plis enfòmasyon sou pwogram pou moun ki chape anba kansè yo.

Plizyè anplasman pratik atravè Sid Florida

Ekspè Sylvester yo disponib plizyè kote atravè Sid Florida, soti nan nò Broward rive nan sid Miami-Dade.

Vizite youn nan anplasman pratik Sylvester yo.